समीप

देख्छु म तिमीलाई सपनामा

दिन पर दिन, दिन पर दिन

खुशी देखिन्छौ तिमी

शायद म त्यही देख्न चाहन्छु

र मबाट टाढा देखिन्छौ तिमी

कहिले छानिएको छायाँ मात्रै

त कहिले गुञ्जिरहेको आवाज मात्रै

तिम्रो न्यानो साथ, मेरो ईच्छा र चाहना

म बाट सधैं टाढा,

भौंतारिने मृगले खोज्ने बीना झैं

सधैं अप्राप्य, सधैं अलभ्य

शायद म यही भन्न चाहन्छु

शब्दमा उतारेर सकार्न चाहन्छु

र बिपनीमा दिनदिनै तर्काएर  

दिन पर दिन सपनामा देखिरहेछु